Apektado na si Whamos Cruz sa mga panlalait sa kanyang pisikal na itsura ng mga tao.

Naging laman ng iba't-ibang entertainment sites ang balitang pagbubuntis ng kinakasama ni Whamos Cruz na si Antonette Gail. Marami ang natuwa nang malamang buntis ito ngunit marami rin sa mga netizens online ang hindi napigilang magkomento na baka maging kamukha ni Whamos ang kanilang magiging anak.

Sa post na ibinahagi ni Whamos sa kanyang social media, makikita kung gaano sila kasaya at makikitang nakahalik si Whamos sa tiyan ni Antonette. Kalakip ang caption,

"Wag mo sana akong maka mukha baby para di ka makaranas ng panglalait ng ibang tao."

Ang mga salitang ito ay umantig sa puso ng ilang mga netizens. May nagkomento na walang sinuman ang may karapatan na manglait ng ibang tao dito sa mundo dahil lahat naman may kapintasan. Walang perpektong tao at kung sakaling maging kamukha man umano ni Whamos ang magiging anak ay normal lamang iyon dahil ito naman ang ama.

May nagpayo naman kay Whamos na 'wag malungkot kung sakaling maging kamukha man niya ang anak. Hindi umano malulungkot ang bata dahil magkakaroon ito ng ama na mapagmahal, maalaga at responsable.

Dahil sa samu't-saring pambabash at panlalait na natanggap ni Whamos, tila apektado na ito sa mga sinasabi ng mga netizens at natatakot na sa magiging itsura ng kanyang anak.