Hinangaan at nagbigay ng inspirasyon sa marami ang kwento ng 28-anyos na banyagang si Anselm mula sa Wales sa United Kingdom. Ito ay dahil sa kaniyang pagsusumikap at pagiging masipag sa paghahanapbuhay sa Pilipinas kahit siya ay naloko ng ilang beses.

Taong 2016 nang nagsimulang tumira si Anselm sa Pilipinas para makasama ang kaniyang asawa na isang Filipina na mula sa Davao City. 

Kagaya ng ibang mga foreigner, si Anselm ay napamahal na din sa Pilipinas dahil siya ay nabighani sa ganda at kultura na mayroon sa ating bansa.

Ngunit nakakalungkot lamang isipin na sa kabila ng desisyon niya na manirahan dito at pagpapakita niya ng halaga sa ating mga kababayan, ang kaniyang kabaitan ay napagsamantalahan pa din at siya ay naloko pa ng ilang beses.

Dahil sa isang malaking pagsubok na kinaharap ni Alsem, naisip niya na magtayo ng sarili niyang pagkakakitaan para matustusan at masuportahan ang pangangailangan ng kaniyang pamilya. Dito na pumasok sa kaniyang isip na magtayo ng negosyong fishbond kahit pa man siya ay walang background sa ganitong uri ng trabaho at walang koneksyon sa kung ano man ang nakuha o naging trabaho niya noong siya ay nasa United Kingdom pa.

Si Alsem ay nagsanay ng halos ilang buwan para malaman kung paano manghuli ng mga isda ng maayos at kung paano din niya ito maibebenta. Pinag-aralan din niya kung ano ano ang mga dapat niyang ihanda sa kaniyang mga kakailanganin para sa kaniyang fishpond at kung paano mamangka.

Ayon kay Alsem, may mga mabubuting tao naman na nagbibigay ng tulong sa kaniya ngunit mayroon din na tila nais lamang pagsamantalahan o lokohin ang katulad niyang isang dayuhan sa ating bansa.

Sa kabila nito, nagpatuloy pa din si Alsem at nagpursigi pa para matutunan ang pamumuhay at kultura sa lugar na kanilang tinitirhan. Siya ay natuto din na tumulong sa mga tao sa kanilang komunidad sa Brgy. Baybay. Siya ay marunong na din mag-Bisaya na talagang makakatulong sa kaniya sa tuwing siya ay nagbebenta ng mga isda sa palengke.

Noong Oktubre nga lamang ay nakapag-harvest na siya ng kaniyang mga alagang alimango ngunit malaki din ang kaniyang nalugi mula dito. Ngunit siya ay nagpatuloy pa din at hindi sumuko. Noong Pebrero naman ay naisip ni Alsem na mag-alaga naman ng mga bangus at ito ay naging matagumpay naman ngunit dumating naman ang pand3miya.

Naranasan din ni Alsem na tumira sa barong-barong malapit sa kaniyang fishpond para makatipid sa pamasahe. Tiniis din niya na walang maayos na ptubig at kuryente sa loob ng ilang buwan.

Bagamat ganito man ang sakripisyo ni Alsem ngayon, tiyak na magtatagumpay pa din ang negosyo na mayroon siya pagdating ng panahon dahil sa kaniyang determinasyon at positibong tingin sa buhay.