Naging usap-usapan sa social media kamakailan lamang ang pagbibigay ni Megastar Sharon Cuneta ng dagdag puhunan para sa mga tindero sa Subic kung saan ginaganap ang shooting sa kaniyang pelikula kasama ang aktor na si Marco Gumabao.

Marami sa mga netizens ang naantig at muling nagpahayag ng kanilang paghanga para sa Megastar dahil sa tulong na ibinibigay niya sa mga tindero sa Subic. 

Isa na sa mga nabigyan ng tulong ni Sharon ay ang balut vendor na nadaanan niya sa kalye. Ang mga larawan ay naka-post sa Facebook account ng isang netizen. Kalakip ng mga larawan ay ang caption nito bilang pasasalamat sa Megastar.


Saad dito,

"Maraming marami salamat po sa perang naitulong niyo sa akin. Sobrang thank you po kay Madam Sharon at sa lahat, lalo na din po kay Sir Nelson Espinosa. Sobrang salamat po. Godbless."

Ilan din sa inabutan ng dagdag puhunan ni Sharon ay ang nagtitinda ng ice cream, cotton candy, kakanin, at turon sa Subic.



Makikita sa kaniyang Instagram post ang group photo ng mga nasabing tindero na naglalako ng kanilang paninda sa shooting ng "Revirginized".

Special mention sa kaniyang caption ang bulag na nagtitinda ng ice cream at ang dalawang matanda na nagbebenta ng turon. Binilinan din ni Sharon ang mga tindero na maging mabait sa mga bumibili sa kanila at maging honest.

Samantala, kaagad naman naging viral sa social media ang pagtulong na ito ni Sharon sa mga tindero sa Subic. Ang nasabing post ay umani din ng mga positibong komento at may mga netizens din na nagpahayag ng kanilang paghanga para sa Megastar. 


Narito ang ilan sa kanilang mga komento:

"your heart is blessed"

"Blessed you more at ingat po lagi !"

"Beautiful inside in out godbless u ma"

"That's why sobrang daming blessings ang dating sayo Ma kasi napakabuti ng puso mo po.!"