Ipinasilip na sa wakas ni Bea Alonzo sa publiko ang kaniyang 16-hectare farm sa Zambales.

Simula nang ibahagi ni Bea Alonzo ang kaunting bahagi ng kaniyang farm sa isa sa kaniyang mga vlogs sa YouTube, marami sa mga netizens tuloy ang hindi mapigilan na magtanong tungkol sa negosyo ng kaniyang pamilya.

Sa dami ng request na natatanggap ni Bea na ipakita ang kaniyang farm, malugod naman itong tinanggap ng aktres.



Sa kaniyang bagong vlog, nagbigay ng tour ang aktres na si Bea sa kaniyang malaking eco-friendly farm sa Zambales. Pinangalanan niya ang kaniyang 16-hectare farm na Beati Firma.

Binili ng 33-year-old aktres ang nasabing farm noong 2011. Sinabi niya na noong nabili niya ito sampung taon na ang nakalipas ay puro damo lamang ito at mayroong isang puno.

Saad niya sa description ng kaniyang vlog,

"For years, we've just been working hard, not realizing it would become to this. Pwede ka ring mangarap at magpursige. I hope this episode inspires you."



Pagbabahagi ni Bea,

"Back then, I was very young. Naisip ko, 'Kaya na ba naming mag-farm? Is it worth it? Matututukan ba namin?'"

Kalaunan ay napagdesisyunan nila na bilhin na ang farm. Sa ngayon, doon na naninirahan ang ina ni Bea, ang kaniyang stepdad, at kapatid na lalaki.



Sila ay mayroong mga mahogany tress na tinuturing nila bilang isang magandang investment dahil maaaring bumili sa kanila ang mga furniture designers sa hinaharap sa magandang presyo.

Maliban sa mahogany, mayroon din silang calamansi at mango trees.

Ang nasabing farm ay mayroon ding treehouse, pond, at half-size court kung saan madalas sila nagbo-bonding ng kaniyang mga pinsan.



Kahit pa man ito ay malayo na sa hitsura nito noong una niya itong binili, sinabi ni Bea na marami pang planong gawin ang kaniyang pamilya sa kanilang farm.

Aniya,

"Right now, we are trying to build houses for our staff and there are areas na nila-landscape na namin kagabi nung area na malapit sa tree house."